O‘zbekiston tavqi la'nat tamg‘asidan qutildi

Supurgini tikka qilib qo‘yilsa, balo-qazo keladi degan irim bor. Shu bois uni ëtqizib qo‘yish lozim. Eng kamida uchi qiyshaymaydi.

Karimov davrida O‘zbekiston tavqi la'nat osiladigan «ëmon niyat og‘ochi» edi. Shunday tavqi la'natlardan biri hanuz osilib bu mamlakat bilan to‘laqonli oldi-sottiyu, bordi-keldiga halaqit qilmoqda.

Bu O‘zbekistonga joriy qilingan  Jekson-Venik tamg‘asi.

Jekson-Venik tuzatishi — 1974 yilda AQShning Savdo to‘g‘risidagi qonuniga kiritilgan qo‘shimcha bo‘lib, u emigratsiyaga (ya'ni mamlakatdan ko‘chib chiqishga) to‘siq qo‘yuvchi yoki inson huquqlarini buzuvchi davlatlar bilan savdo munosabatlarini cheklashni nazarda tutadi.

Hujjat bu chorani taklif etgan kongressmenlar — Genri Jekson va Charlz Venik sharafiga shunday nomlangan.

AQSh Senatining Xalqaro ishlar bo‘yicha qo‘mitasi raisi Jeyms Rish ushbu hafta AQSh Kongressiga Markaziy Osiyo davlatlari, jumladan, O‘zbekistonga nisbatan Jekson–Venik tuzatishini bekor qilishini ma'lum qildi.

Shunday bo‘lsin. O‘zbekistonni yaxshi deylik va u yaxshilansin. Ursa eti, so‘ksa beti qotib ketadi.