«Chashmai Ayubdan suv ichar ruhim…»

1961 yil Buxoroda tug‘ilgan. Toshkent Davlat Universitetining jurnalistika fakultetini bitirgan. 1995 yil fevralda O‘zbekistondan chiqib ketgach, avval Bi Bi Si radiosida, keyinchalik «Ozodlik» radiosida ishlagan. Hozirda Norvegiyada yashaydi.

Hurriyat

Moziydan keladi tungi sadolar,
Otlarning dupuri, qilich jarangi.
Sadaqa so‘ragan juldur gadolar,
Osmonlarni tutgan yo‘llarning changi…

Balki, uyg‘onmoqda Shoh tomirimda,
Yuz yillik uyqudan ajdodlar qoni,
Meni uygotmotsda ham Shohi-Zinda,
Xamda Buxoroning Mohitoboni.

Tilimda zikri bor Bahovuddinning,
Chashmai Ayubdan suv ichar ruhim.
Meni uyg‘otmotsda Jaloliddinning,
Chingizxon tiliga tushgan shukuhi.

Bu yurtning suvi ham uxladi yuz yil,
Dengizi sahroga aylanib qoldi.
Eshigin lang ochib uxlaganda el,
Dushmani qo‘lidan kalitin oldi.

Bugun ruhimizni uyg‘otsin moziy,
Otlarning dupuri, qilich jarangi.
Uyg‘ongan shahiddir, uyg‘ongan g‘oziy,
Uyg‘onmagan xalqning otmasin tongi.

Marziya
«Ozodlik ohanglari»
Eltuz.com