“Qani, o‘qituvchilar – g‘o‘za chopig‘iga marsh!”

“Ko‘cha tozalash, paxta terimi yoki g‘o‘za chopig‘iga chiqariladiganlar ham endilikda o‘qituvchiyu do‘xtirlar bo‘lib qoldi”, – deydi Eltuz.com nashriga bugun yangi hajviy rasmini yo‘llagan rassom Elsevar.

Qizig‘i shundaki, mamlakatda g‘o‘za qator oralariga qo‘l mehnati orqali ishlov berish ayni avjiga chiqqan shu kunlarda gazetalarda «yagana», «chopiq» so‘zlarini ishlatmaslikka harakat qilinmoqda.

Buning o‘rniga, «texnika bilan bir qatorda g‘o‘zaga ketmon bilan ishlov berilmoqda», deyiladi. Balki, bu har doimgidek Xalqaro tashkilotlar ko‘zini shamg‘alat qilish uchundir?

Aslida esa, bu tadbirlarda «ertadan kechgacha» dehqonchilikdan yiroq soha mutaxassislari, o‘qituvchi va tibbiyot xodimlari, ziyolilar majburiy mehnatdan foydalanilayotganini yosh bola ham biladi.

Rassom Elsevar
Eltuz.com