Shanhay diktatorlarining paranoyasi

ShHT sammiti yaqinlashgan sayin o‘zbek hukumatining ho‘jako‘rsin tadbirlari ko‘lami ortmoqda.

Rasmiylar o‘z harakatlarini Vazirlar mahkamasining “Toshkent shahri magistral ko‘chalarini rekonstruktsiya va modernizatsiya qilishga doir qo‘shimcha chora-tadbirlar to‘g‘risida”gi 227-sonli qarorinni ro‘kach qilishadi.

Ayni shu maqsadda, ko‘pqavatli binolarning fasadi xo‘jako‘rsinga bezalganini ko‘rish mumkin.

ShHT sammiti oldidan ko‘rilayotgan tadbirlar bois shuningdek, uylariga bormasdan kazarma holatida qolayotgan ichki ishlar, o‘t o‘chirish xizmati xodimlari ruhan va jisman charchab qolishayotganidan shikoyat qilishmoqda.

Shaharni viloyatlardan kelgan propiskasi yo‘q fuqarolar, daydilar va mardikorlardan tozalash ayni shu xizmatchilar zimmasida. Shuningdek, ShHT sammiti arafasida shahardagi qarovsiz hayvonlar, daydi itlar va mushuklarni yo‘q qilishga jiddiy kirishilgani haqida aytilmoqda.

Ayni muammolarni hajv ostiga olgan rassom Tuz, Eltuz.com uchun o‘zining yangi asaridagi zaharlangan mushuk obraziga izoh berarkan, bunga hujjat keltiradi.

«Agar ayni kunlarda kimningdir ko‘chaga sayrga chiqqan mushugi o‘ldirilsa O‘zbekiston hukumatining 202-sonli “Qarovsiz qolgan hayvonlarni tutish va saqlash bilan bog‘liq xizmatlar faoliyatini takomillashtirish to‘g‘risida”gi qarori ro‘kach qilinishi mumkin», deydi u.

Uning fikricha, yopiq shahardagi yangi tadbirlar Shanhay diktatorlarining paranoyasidan boshqa narsa emas.

Rassom Tuz
Ettuz.com