Muhammad Solihdan qo‘rqish estafetasi

Eltuz.com uchun chizgan navbatdagi karikaturasida rassom Tuz Shavkat Mirziyoevni Karimov qabridan estafeta tayoqchasini olib ketayotgan tarzda aks ettiradi.

«Karimovning vorisi Shavkat Mirziyoev Muhammad Solihdan qo‘rqishni ham meros olgan ko‘rinadi», deydi u.

O‘zbek rasmiylari o‘tgan hafta Samarqandga tashrif buyurgan Turkiya Prezidenti Rajab Toyyib Erdo‘g‘on bilan muzokaralar chog‘ida Turkiyadagi o‘zbek muxolifati rahbari Muhammad Solihni mamlakatdan chiqarib yuborishni talab qilishgan.

Eltuz nashriga bu ma'lumotni yetkazgan majlis ishtirokchisiga ko‘ra, Bosh vazir va Prezident vazifasini bajaruvchi Shavkat Mirziyoev payshanba kuni Toshkent shahar saylovchilari bilan uchrashuv chog‘ida shu haqda ma'lum qilgan.

Rassom Tuz
Eltuz.com