Mirziëev ikki haftada 16 mulozimni ishdan oldi

O‘zbekiston prezidenti Shavkat Mirziyoev Samarqand viloyatiga borganida Bulung‘ur va Nurobod tumanlari hokimlari, tuman prokurorlari, tuman davlat soliq inspektsiyasi rahbarlari hamda tuman Ichki ishlar boshqarmasi boshliqlarini ishdan bo‘shatdi.

Bundan oldin Mirziëev Chilonzor tumani rahbariyatini jiddiy tanqid qilib va tuman hokimi va militsiya boshlig‘i, prokuror va soliq kattasini ham ishdan olgan edi.

O‘tgan hafta Yunusobod tumani IIB prokuratura, soliq rahbarlariga qo‘shib, hokim Mira'zam Mirqosimovni ham ishdan quvgan edi.

Eltuzga ma'lum bo‘lishicha, Mira'zam Mirqosimov ishdan olinganidan ikki kun o‘tib yurak hurujidan vafot qilgan.

Mirziyoev, kelgusi ikki yil davomida mulozimlar sutkasiga 24 soat ishlashi, uning ruxsatisiz hech kim uyiga ketmasligini amr qildi. Davlat mansabdorlari ishini nazorat qilish uchun viloyatlarda qandaydir «maxsus bo‘limlar» tashkil etilgan.

«Siz o‘yladingizmi, nima uchun bu yilni «Xalq bilan muloqot yili» deb atadik? Hammasi ilgarigidek bo‘ladi, deb o‘ylaganmidingiz? Yo‘q, – endi ilgarigidek bo‘lmaydi. Yo siz oxir oqibat ishlay boshlaysiz, yoki o‘z o‘rningizni bo‘shatasiz. Hammangiz ifloslikka, koruptsiyaga botgansiz! Baxtingizga, hozircha yetarli miqdorda kadrlar yo‘q: Bu bizning eng katta kasofatimiz. Biroq ikki yil ichida biz kadrlar tayyorlaymiz. Yangi, yosh odamlar keladi», dedi prezident.

Mulozimlar tarkibini almashtirishga yetarli kadrlar bo‘lmasa, ularni qanday jazolashi, aybdorlarni qanday ishdan bo‘shatishiga prezident aniqlik kiritmadi.

Rassom Tuz hokimlarni moychechak gulbarglarini yulgan kabi hokimlarni kursisidan mosuvo qilgan prezident rasmini chizdi.

Rassom Tuz
Eltuz.com