Karimov «sotqinlar uyasi» deb aytgan komsomolni Mirziëev tiriltirdi

30 iyun kuni prezident Shavkat Mirziyoev, «Kamolot»ni tugatishga, uning o‘rnida komsomolga o‘xshash (Kommunistik Yoshlar Ittifoqi) kabi tashkilot tuzishga qaror berdi.

1990 yili Shavkat Mirziyoev Toshkent Irrigatsiya institutida Komsomol kotibi bo‘lib ishlagan. Bu davr Komsomol va umuman kommunistik partiya tanazzuliga to‘g‘ri kelgan edi.

“Kamolot” SSSR tarkibidagi Komsomol tashkiloti o‘rnida tashkil topgan, Komsomol tashkiloti esa 1918 yili, kommunistik partiya shohobchasi sifatida tashkil topgan.

O‘zbekistonning oldingi prezidenti Islom Karimov Komsomolni «sotqinlar uyasi» deya atagan, o‘z iqtidori davrida ozmi-ko‘pmi kommunistik o‘tmishidan uzoqlashishga intilgan edi.

Mirziyoev «Kamolot» qurultoyida, O‘zbekiston Yoshlar ittifoqi tashkil etilgan 30 iyunni bayram qilish taklifini ham kiritdi.

Rassom Tuz
Eltuz.com