G‘or odamining televizorga qarshi urushi

Aytaylik, g‘orda yashaydigan ibtidoiy odam ëniq turgan televizorni ko‘rib qoldi.

Uning ilk reaktsiyasi qanday bo‘ladi? Albatta, dastasi ëg‘och tosh quroli bilan bu notanish «yov»ga qarshi kurashga kiradi.

Balki g‘or odami televizorga qarshi kurashmas? Kim biladi deysiz?

Lekin bu voqea ibtidoiy zamonlarda emas, shu bugungi kunlarda o‘zbeklar orasida uchramoqda.

Filmlar, TV seriallar dublyaji bilan shug‘ullanuvchi artistlar ishini harom deya maqola chop etgan tolibon ruhidagi o‘zbek sayti Diniy qo‘mita tanqidiga uchradi.

Diniy saytda e'lon qilingan maqolaga ko‘ra, artistlar seriallarni ovozlantirish bilan “bolasiga harom luqma yedirgan” bo‘lishadi.

Maqola muallifi dublyaj artistlarini “millatning eng ashaddiy xoinlari, buzg‘unchi, ikkiyuzlamachi, munofiq kimsalar”, deya qoralab, hammani ularga qarshi kurashishga chorlaydi.

“Aks holda oxiri yomon bo‘ladi”, deya tahdid soladi maqola muallifi.

Maqola ortidan ijtimoiy tarmoqda izohlar paydo bo‘ldi.

«Ayollaringizni tim qora qopga solib, chandib, nafas olishi uchun teshik qoldirib, yerto‘laga olib tushib, o‘ra qazib, o‘sha yerga tiqib, ikki qavat eshik bilan tambalab, o‘zingiz eshik tagida uxlang, shunda siz targ‘ib qilayotgan jamiyatni quramiz», deb yozdi, jumladan, feysbuk yuzeri Xurshid Yo‘ldoshev.

Biroq ko‘p o‘tmay, TV artistlarini sazoyi qilishni ko‘zlagan maqola saytdan g‘oyib bo‘ldi.

O‘zbekistonda televizorga qarshi isyonning bugungi nishona shakli qo‘shni Afg‘onistonda «ancha kamol topgani»ni kuzatish mumkin.

Toshkentdagi o‘zbek sayti serialga ovoz berganlarni xalq dushmani deb sazoyi qilayotgan paytda Mozori Sharifdagi o‘zbek televizorning o‘zini do‘pposlamoqda.

Rassom Kirpi televizorni do‘pposlayotgan mutaassib dindorning ayni kulgili holatini aks ettirdi.

Rassom Kirpi
Eltuz.com