Alisher Ilhomov: Putin do‘ppisini osmonga otsin

Komiljon ismli tojik bolani o‘ldirgan Timofey 9 sinfda o‘qir va 14 yoshda edi. U o‘ldirishni rejalagan qurbonini aynan milliy mansubligiga qarab tanladi. Bu qotillik ko‘pchilikni shok holatiga tushirdi. Lekin hayron qolishga hojat yo‘q, chunki bu Rossiya «zombi qutisi»dan (TV) tinimsiz oqib kelayotgan rashistik propaganda va natsizm ruhdagi miyani yuvish natijasidir.

Putin mamnun bo‘lishi kerak, chunki bu uning siyosati mevasidir. Unga aynan shundaylar kerak va u aynan shunday manqurtlarni tarbiyalab yetishtirishni ko‘zlagan edi. Tan olishimiz kerak — u o‘z maqsadiga erishdi.

Yagona istisno shundaki: Putin bu kabi «timofeylar» aynan prezident barmog‘i bilan ko‘rsatgan odamlarni o‘ldirishini afzal ko‘rgan bo‘lardi. Bu zombi esa biroz shoshilib qo‘ydi. Ammo, katta ehtimol bilan, u yagona «zombilashgan» bola emas va biz hali pul uchun emas, balki o‘z qarashlari va mafkurasi uchun odam o‘ldiradigan yangi «Z-avlod» vakillarini yana ko‘p ko‘ramiz.

Timofeyning taqdiri nima bo‘ladi? Uni, katta ehtimolda, aybdor deb topishadi, lekin voyaga yetmagani sababli qamoqqa tiqishmaydi. 3-4 yildan keyin esa uni navbatdagi SVOda (Ukrainaga qarshi urushda. tahr.) ishtirok etish uchun qurolli kuchlar safiga taklif qilishadi.  Frontda bu zombi o‘zi uchun hech qanday salbiy oqibatlarsiz, katta miqyosda odam o‘ldirish imkoniyatiga ega bo‘ladi. Qancha ko‘p o‘ldirsa, shuncha ko‘p mukofot, jumladan «qahramonlik» yulduzini