Vabo paytida bazmi jamshid – paradoksmi? Qonuniyat!

Toshkentla “Style.uz” san'at haftaligi o‘tmoqda – prezident to‘ng‘ich qizining dabdabali ermagi, ayni paytda esa paxta dalalarida bolalar o‘lmoqda, deya hikoya qiladi jurnalist Qudrat Bobojonov.

Gulnora Karimova yaqinda Instagram sotsial tarmog‘i orqali 1 oktyabr kuni amakivachchasi, onasi Tamara Sobirova bilan birga butun Farg‘ona vodiysini nazorat qilgan Akbarali Abdullaevning hibsga olinganidan hasrat qilgan edi.

Uning singlisi Lolaning topshirig‘i bilan O‘zbekistondagi internat va bolalar bog‘chalarini ta'mirlagani, keyin bu ishlar uning «Sen yolg‘iz emassan» jamg‘armasiga yozilgani va tantanali ochilish marosimlarida faqat uning o‘zi ishtirok etganini yozgan.

“Paradoksmi!? Qonuniyat!”, – deya yakunlaydi o‘z postini Gulnora Karimova.

Ha, Gulya haq. O‘zbekiston shunday, to‘g‘rirog‘i, uning otasi – diktator Karimov, uning oilasi va ularnig atrofidigi odamlarning sharofati bilan shunday.

Toshkentdagi “Style.uz”da vinolar daryo bo‘lib oqib, qimmatbaho kiyimlar kiygan modellar, mashhur artistlar, dizayner, rassomlar, bir so‘z bilan bazmi jamshid qilisharkan, ayni paytda O‘zbekistonda millionlar uning fuqarolari nohaqlik va qashshoqlik girdobiga g‘arq bo‘lmoqda.

Odamlarni, jumladan, voyaga yetmagan bolalarni paxta terishga majburlashmoqda.

Mustaqil matbuort olishga muvaffaq bo‘lgan ma'lumotlarga ko‘ra bu yilgi paxta mavsumi o‘n nafar yoshlarni hayotdan olib ketdi.

Ayni paytda, yaqinlari pul ishlashga Rossiyaga ketgan ko‘plab o‘zbek oilalari, rossiyaliklarni qamragan mehnat muhojirlariga bo‘lgan umumiy nafrat to‘lqini dahshatdan qaltiratmoqda.

Ayni kunlarda Sangorod jarima izolyatorida 63 yoshli jurnalist Solijon Abdurahmonov o‘tiribdi.

Surunkali oshqozon kasalligidan keyin u mahkumlikda ichak yarasini ham orttirdi.

“Sangorod” shifokorlari unga zudlik bilan jarrohlik lozimligini aytirshgandi, biroq uning kasalligi haqida Uznews.net orqali bildirilgach, og‘ir kasal odamni, 1 noyabrga qadar 15 sutka jarima hibsxonasiga tashlashdi.

Paradoksmi? Qonuniyat!

Qudrat Bobojonov