Islom Karimov qachon o‘lgan?

Islom Karimov o‘limi haqida ilk bor «Eltuz» nashri 2016 yilning 29 avgust kuni bir-biridan mustaqil manbalari tasdig‘iga ko‘ra xabar bergan edi. Shu kuni 27 yil O‘zbekiston prezidenti bo‘lgan Islom Karimov soat 18.30 da Toshkentning Lunacharskiy dahasidagi davlat statsionarida olamdan ko‘z yumgan edi. Biroq uning qabrida 2 sentyabr kuni o‘lgani yozilgan. Bugun «Eltuz» ayni seriyadagi chizilgan karikaturalar to‘plamini e'lon qiladi.

Karimovning na o‘lik, na tirikligi davlat siri darajasida maxfiy qolarkan, bir narsa yanada yaqqol ko‘zga tashlanadi – mamlakatning taqa-taq berkitilayotgan ichki va tashqi chegaralari…

Hatto o‘limidan so‘ng Mustaqillik kuni munosabati bilan dunyo mamlakatlari rahbarlaridan Karimovga kelgan xatlar rasmiy matbuotda e'lon qilindi.

Prezident o‘limidan bir hafta o‘tib ham uning tirikligi, sog‘lig‘iga duoda bo‘lishga chaqiriqlar tingani yo‘q.

Karimov o‘limidan so‘ng o‘zbek ijtimoiy tarmog‘ida uning shaxsini ilohiylashtirish motivlari avj oldi.

Karimov o‘lganidan keyin barcha diktatorlik jamiyatlarida kutilgan hol ro‘y berdi. Ba'zilari majburiy, ba'zilari ixtiyoriy tartibda ma'raka statistlari qatoriga hatto Karimov ijirg‘angan «dangasalar» – Rossiya ko‘chalarini supurayotgan mardikorlar ham qo‘shildi.

Karimovning qizi Gulnora Karimovaning chet elda muzlatilgan pullari kimga qaytariladi?

1897 yilda qurilgan tarixiy Jo‘rabek masjidi Karimovning kenja qizi Lola va kuyovi Temur Tillaevlar tomonidan «ta'mirlanib», unga «Islom ota» nomi berildi.

Moskva shahri hokimi Sergey Sobyanin 2017 yilning 27 oktyabrida Rossiya poytaxtining Yakimanka tumanida Islom Karimovga haykal o‘rnatish haqida qaror chiqardi.

Prezidentning Karimovga haykallar o‘rnatish taklifi ortidan Toshkent, Samarqand va Qarshida haykallar o‘rnatiladigan, mustabid qabri ustiga maqbara ham quriladigan bo‘ldi.

Islom Karimovga yodgorlik yaratish bo‘yicha 2017 yilgi tanlovda o‘zbekistonlik haykaltarosh Ilhom Jabborov g‘olib chiqdi.

Mirziyoev 22 mart kuni davlat tashrifi bilan Ostonaga keldi. Karimovning o‘limidan bir yil oldin Nazarboev bilan Chimbuloqda tushgan fotosurati rassom Tuz uchun mavzu bo‘ldi.

Rassom Tuz O‘zbekiston birinchi xonimining Kapitoliy maydonida o‘rnatilgan yodgorlik toshi yonidagi ichki kechinmalarini o‘zicha aks ettiradi.

O‘limidan bir-ikki yil burun ham Karimovning o‘lgani haqida har xil xabarlar tarqalgan. Jumladan, 2015 yilda ijtimoiy tarmoqlarda 17 noyabrga o‘tar kechasi Karimov «yurak o‘ynog‘idan o‘ldi», deya tarqalgan xabar tasdig‘ini topmagandi.

Karimovning o‘limi rasman 2016 yilning 2 sentyabrida e'lon qilingan.

Rassomlar: Tuz, Adolat, Elsevar – 2015-2020 y.
Eltuz.com