Mirziyoev tashrifiga atalgan «pripiska»

Mirziyoevning Qashqadaryoga tashrifi oldidan paxta terimi bo‘yicha Qashqadaryoda reja bajarilgani haqidagi ma'lumot aslida qo‘shib yozilgani aytilmoqda.

Qashqadaryo viloyati paxta yig‘im terimi bo‘yicha shartnomaviy rejani bajardi deya rasman xabar berildi.

2023 yil dehqonlar uchun ancha og‘ir yil bo‘ldi. Ob-havo, qurg‘oqchilik kelishi, suv tanqisligi, anomal issiq bo‘lishiga qaramasdan zahmatkash fermerlar paxta yetishtirish bo‘yicha ancha harakat qilishdi.

Asosiy terim 2023 yilning 10-sentyabridan boshlandi, desak adashmaymiz.

Prezidentning Qashqadaryoga tashrifi yaqinlashgani munosabati bilan 19-oktyabr kuni Qashqadaryo viloyati paxta rejasini bajardi degan xabar berildi.

Aslidachi, dalada 1- va 2- terimlar qiyg‘os ochilib turibdi. Qashqadaryo viloyati bo‘yicha birorta tuman rejasini bajargani yo‘q, dedi qashqadaryolik dehqonlar Eltuz bilan suhbatda. 

Shunday ekan qanday qilib Qashqadaryo viloyati rejani bajargan bo‘ladi?

Chor Rossiyasi davridan qolgan paxta siyosati, paxta pripiskasi, ya'ni qo‘shib yozishning yangi davri Qashqadaryo viloyatida boshlangan ko‘rinadi. Bundan tashqari kimga keragi bor qo‘shib yozishning agar shu bilan dehqonning kosasi oqarmasa.

Eltuz 2023 yil paxta terimi yakunlariga oid ma'lumotlarni o‘rganishda davom etadi. Kanalimizga obuna bo‘lishni, videolarimizga layk bosishni unutmang. Ayni damda Yutub kanalida Eltuz obunachilari soni 499 ming 530 nafarni tashkil etmoqda, biroq Eltuz ko‘rarmanlarining 78 foizdan ziyodi hamon ko‘rsatuvlarimizni obuna bo‘lmasdan tomosha qilmoqda. Bebilet bezbet. Holbuki safimiz yarim millionga yetishi uchun sizdan faqat qo‘ng‘iroqcha tugmasini bosishingiz talab qilinadi.