Namangan shahar hokimi va devonxona mudiri qamaldi

Namangan shahar hokimi Anvar Otaxo‘jaevni pora bilan qo‘lga olinganiga oid hokim advokati iddaosi asosidagi Eltuz materiali e'lon qilinganidan ko‘p o‘tmay Davlat Xavfsizlik xizmati bu yuzadan bayonot e'lon qildi.

Davlat Xavfsizlik xizmati bildirishiga ko‘ra Namangan shahar hokimi Anvar Otaxo‘jaev katta miqdorda pora olishda ayblanmoqda. Hokim shuningdek deputatlik daxlsizlik huquqidan mahrum qilingan, unga va devonxona mudiriga nisbatan Jinoyat kodeksining 210-moddasi 3-qismi “a” bandi bilan, jinoyat ishi qo‘zg‘atilgan va ehtiyot chorasi sifatida qamoq jazosi qo‘llanilgan.

Bundan avval hokimning advokati Eltuzga murojaat qilib ariza qoldirgan.

Unda, 28 avgust kuni Prokuratura va DXX xodimlari yollanma shaxslar ishtirokida Namangan shahar hokimi Anvar Otaxodjaevni pora olish jinoyatida aybdor qilish maqsadida tadbir tashkillashtirishgani iddao qilingan edi. 

Endilikda DXX tomonidan ochiqlangan ma'lumotlarga ko‘ra Namangan hokimining pora bilan qamoqqa olingani isbotlar bilan tasdiqlanmoqda.

Eltuz voqealar rivojini kuzatishda davom etadi. Kanalimizga obuna bo‘ling. Video yuzasidan izohlar qoldiring.