Moskva 2026-yilda migrantlar uchun patent narxlarini oshiradi

Moskva 2026-yilda migrant ishchilar uchun patent to‘lovlarini oshiradi. Bu borada Moskva shahar dumasi hujjat qabul qildi.  

Ma'lumotlarga ko‘ra, rasmiylar to‘lovni 8900 rubldan 10 000 rublgacha oshirishni rejalashtirgan. Deputatlar 2025-yilda poytaxt mehnat bozorining mintaqaviy xususiyatlarini aks ettiruvchi koeffitsient 2,8592 ni, patent narxi esa 8900 rublni tashkil etganini ta'kidladilar. Hukumat narxlarning oshishini chet elliklar orasida talab yuqori bo‘lgan kasblardagi o‘rtacha ish haqining oshishi bilan izohlamoqda. 

Migrant ishchilar tomonidan an'anaviy ravishda talab qilinadigan sohalarda o‘rtacha ish haqining oshishini hisobga olgan holda, 2026-yilda belgilangan mintaqaviy koeffitsientni 2,9323 miqdorida belgilash taklif qilinmoqda, bu esa patent narxini oyiga 10 000 rublgacha oshiradi, deyiladi hujjatda.

Ilgari Rossiya migrantlar uchun ijtimoiy pensiyalarni bekor qilishni taklif qilgani haqida xabar berilgan edi. Ksenofob LDPR partiyasi muhojirlarga «bepul ijtimoiy nafaqalar» berishni to‘xtatish vaqti kelganini va shu bilan federal byudjetga tushadigan yukni kamaytirishni ma'lum qilgandi.