МХХ қамоғидаги журналист яқинлари билан учрашди

9 январь куни МХХ тергов ҳибсхонасида уч ойдан ортиқ қолаётган журналист Бобомурод Абдуллаев хотини, онаси ва фарзандлари билан учрашди.

Абдуллаевнинг хотини Қуттиқиз Балхибоева учрашув тафсилотлари ҳақида «Элтуз» мухбирига интервью берди.

Унинг сўзларига кўра, қамоқда қолаётган журналистнинг фарзандлари ва онаси билан учрашуви ярим соатдан камроқ давом этган.

МХХ ходими иштирокида ўтган учрашувда улар тергов тафсилотлари ҳақида гаплашишмаган.

Учрашув 4 январь куни Абдуллаевнинг онаси Гавҳар Мадаминованинг президентга видеомурожаатидан беш кун ўтиб амалга ошган.

МХХ ходими тергов хулосаси, шунингдек, суд белгиланадиган кун ҳақида уларнинг адвокатига маълум қилинишини билдирган.

Бироқ Балхибоева ҳалигача Абдуллаевнинг адвокати йўқлигини айтмоқда.

Бобомурод Абдуллаев Миллий хавфсизлик хизмати ходимлари томонидан шу йилнинг 27 сентябрида ўғирлаб кетилган. Орадан уч кун ўтиб, 1 октябрь куни унинг ҳокимиятни ағдаришга уринишда айбланаётгани маълум бўлган эди.

Видео: https://youtu.be/OJil96SX1pE

Eltuz.com