Жиннихонага ташланган, ери тортиб олинганлар ва ҳокимидан қутулмоқчи бўлган хонқаликлар – ЭП85

Элтуз порталига келган навбатдаги мактубларни ўқиймиз. Бу сафар уларни ўқишда ва танлашда сунъий интеллект мансублари бўлган Уйғун Эгамберди ва Ойдин Ўғил Кийик бизга ёрдам беради. Дастлабки мурожаат, маҳалла ҳокими босими билан суд қарорисиз руҳий даволанишга  мажбуланган Наманган турғунидан,  унга видео ҳам илова қилинган.
видео
Соғ одамни жиннихонага ташлаш практикааси бизни яқин ўтмиш, каримов даврларига етаклайди. Каримовнинг жияни Жамшид Каримов ҳам Самарқанд руҳий шифохонасида узоқ йиллар қолиб кетган эди. Эҳтимол у ерга чексиз ҳокимият берилиб ақлдан озган давлат мулозимларини ташлаган маъқулдир. Зора ақли кирса. Кейинги мактуб Қашқадарёдан. Аукцион танлови асосида мулкка эга бўлган тадбиркор ерини бир йил ўтмай  Мажбурий ижро бўлими ходимлари тортиб олмоқда.    
Видео
Кейинги мактуб ҳам амалдорлар ўзбошимчалигига оид. Хонқага ҳоким керак эмас, демоқда, мажбурий ўлпон йиғишдан зада бўлган мактаб, боғча ва бошқа муассасаларнинг майда мулозимлари.
Видео
Кейинги мактуб Қашқадарёдан. Газ баллонлари ижараси учун 100 минг сўмдан йиғилаётган экан.
Кейинги видео Термиз шаҳридан. Индиним савдо мажмуаси лифтида она ва унинг икки нафар фарзанди қолиб кетган.
Видео
Ҳар сафар айтганимиздек, ҳар бир мактуб ўрганишга муҳтож. Шу жумладан, таъкидлаш жоизки газ баллон ҳам, қуёш батареялари ҳам текин эмас. Лекин улар текинхўр амалдорларни боқиш учун хизмат қилмаслиги ҳам керак. Акс ҳолда газдан ҳам, электрдан ҳам буткул бенасиб қолиш. Бу ҳақда гапирган одамни жиннихонага ташлаб ўрта асрлар даврига қайтиш ҳеч гап эмас.
Шу ҳулоса билан навбатдаги кўрсатувни якунлаймиз. Кўрсатувимизга келаётган изохларда кўпинча биз билан қандай боғланиш. Қандай қилиб бизга мурожаат қилиш мумкинлиги тўғрисида сўрашади. Билмаганлар учун яна бир бор эслатамиз. элтуз портали интерактив тарзда телеграм каналида алоҳида саҳифа шаклида очилган. Мурожаатлар учун у ерга махсус бот ҳам ўрнатилган. Элтуз келаётган шикоятлар, видеомурожаатлар, таклифлар ва уларга ёзилган жавобларни ҳам эътиборингизга тақдим этишга интилади. Видеоларимизга лайк босинг. Каналларимизга обуна бўлишни унутманг.