Миришкорда қорамол ўғрилари нега жазоланмайди? 

Миришкор туманида мол ва қўйларни ўғирлаш ҳолатлари сезиларли даражада ошган. Бу ҳақида Элтузга туман аҳолиси хабар берди.

«Айрим ўғрилар ҳалигача топилмаган, айримлари эса топилган. Энг ёмони топилган ўғриларга ИИБ томонидан умуман жазо чоралари қўлланмасдан очиққа яъни эркинликка қўйиб юборилмоқда» – дейди жабрланганлар.

Масалан, август ойида Миришкор туманидаги Ғойибов Хуршид фермер хўжалигининг 10 бош сара қўйларини ўғирлаганлар туман ИИБ ходимлари томонидан бир сутка ичида қўлга олинди. Ўғрилар ўз айбларига иқрор бўлишди. Аммо қўлга олинган 3 нафар жиноий гуруҳ аъзоларига ҳеч қандай жазо чоралари кўрилмасдан қўйиб юборилди. 

«Ҳозирги кунда ўша жиноий гуруҳ аъзолари эркинликда, ўғриларнинг бири яқинда Каптива машинаси олган бўлса, бири чойхона очиб олган, яна бири чорвачилик билан шуғулланмоқда.»