Ўқитувчи ва шифокорлар кўсак қурти теримида

Ўтган ҳафта Eltuz.com нашри Фарғона, Андижон, Наманган вилоятлари пахта далаларини қурт босгани ва уни қўлда териб олишга одатдагидек, Халқ таълими ва тиббиёт ходимлари сафарбар этилгани ҳақида ёзган эди.

Мутахассислар, бу энг самарасиз усул экани ҳақида айтишаётган бир пайтда, ҳукумат амалдорлари учун энг камчиқим ва ҳатто бунинг фойдали экани ҳам айтилади. Чунки кунлик кўсак қурти термаслик нархи аллақачон ўн минг сўм қилиб белгиланган.

Заҳарли дорилар таъсирида ўлмаган бу чидамли жони савил қуртни қўлда териш қанчалик соғлиққа зарарлигини билганлар пул билан қутулишни афзал кўришади.

Бугун бу сафарбарлик рассом Тузни илҳомлантирди. У «дала заҳматкашлари»га айлантирилган ўқитувчи ва шифокорлар учун бир алвон шиор ҳам ёзди: «Кўрдингки қурт – кўзингга сурт!»

Рассом Туз
Eltuz.com