«Уйингиздаги сичқон учун ҳам ҳужжат кўрсатинг!»

Вазирлар махкамасининг 7 октябр қарорига асосан Тошкентда кўплаб уй эгалари ва ижарада турувчилар текширилаётгани билдирилмоқда.

Ўзбекистоннинг расмий ЎзА агентлиги хабарига кўра, Ички ишлар вазирлиги номига уч ярим мингдан кўпроқ мурожаатнинг 40 фоизи прописка, фуқаролик, паспорт масалаларига тааллуқлидир.

Шунингдек, Тошкент шаҳрида ички ишлар бўлимлари, корхона, ташкилот ва муассасалар вакилларидан иборат 10-15 кишилик махсус гуруҳлар уйма-уй юриб паспорт режимини текшириш, бўш турган уйларни аниқлаш, уй-жойни ижарага бериш тартибига риоя қилиниши каби масалалар юзасидан кенг қамровли текширувлар ўтказилмокда.

Махкама карорига кўра ўтказилаётган, прописка ёки уйингизга келган меҳмон шахси ва хужжатларини аниқлаш юзасидан текширувлар абсурд ва баъзан мутлақо нохуш якун топиши мумкинлигига ишора қиларкан, eltuz.comга карикатура жўнатган рассом Адолат Ўзбекистонда «қўлга тушган сичқон» ўрнида ҳар бир айбсиз ватандош бўлиши мумкинлигига ишора килади.

Рассом Адолат
Eltuz.com