«Эр керакми, ер керак?»

Рассом Туз ўзининг навбатдаги карикатурасида Шавкат Мирзиёевга ёрдам сўраб мурожаат қилаётган ўзбек ёшлари зеҳниятига назар ташлайди.

Бош вазир виртуал қабулхонасига ойлигини оширишини сўраб мурожаат қилган тошкентлик Иброхимов Шоҳжаҳон бунинг сабабини «Кота бўлиб қолгани» яқинда, декабрда «тойи» бўлаётгани билан изоҳлайди, шунингдек, Малайзияга асал ойи учун билет совға қилишини сўрайди.

«Ахир биз мустақиллик фарзандларимизаю» дея изоҳлайди у.

Шаҳрисабзлик Зуҳрохон исмли 28 ёшли аёл эса, унга «келишган, чиройли, ўқимишли, оиласига меҳрибон, соғлом, молиявий томонлама ҳамма нарсаси бор» эр кераклигини айтиб Виртуал қабулхонага мурожаат қилган.

У бўлғуси турмуш йўлдошини Бош вазир Шавкат Мирзиёевнинг шогирдлари орасидан излаётганини яширмайди.

Бунинг сабабини  у чевар, «замон талабларига мос кийимлар тикади», пазанда, «ўзига яраша иффати, гўзаллиги ҳам бор, қадди қомати келишган, табиатан меҳрибон, жиддий қиз» экани билан изоҳлайди

Рассом Туз
Eltuz.com