«Бахтли болалик учун» Шавкат акадан миннатдор бўлиш керакми?

Жаҳон ҳамжамияти, ўзбек фуқаролик жамияти фаоллари ва ЕҲҲТ кузатувчилари сайловларнинг бу сафар ҳам эскича ўтганини эътироф қилди, гарчи ўзбек расмий матбуоти ва ҳукумати бунинг аксини исботлашга уринмоқда.

Шу маънода «Бахтли болалик учун…» деган шиор, болалар бу йил пахта далаларида мажбурий меҳнатга жалб қилинмаса керак деган яна бир заиф умид уйғотади.

Лекин бу «ютуқ» ҳам каримов даврига оид. Тўғрироғи, халқаро ҳамжамият саъй ҳаракатлари билан 2012 йили болаларни пахта теримига жалб қилмаслик ҳақида сиёсий қарорга келинганди.

Бироқ, айнан бу йил – аллақачон муваққат президент Шавкат Мирзиёев даврида пахта далаларида тағин болалар меҳнатидан фойдаланиш ҳолатлари қайд этилди. Айнан у ишлаб чиққан «Ойболта» дастури асосида катталар мажбурий меҳнати кучайтирилди.

Келгуси теримга яна бир қовун пишиғи бор, лекин муаммолар ҳақида ота-оналар бугун ўйлашлари лозим, аксинча бу ҳақдаги барча шиорлар жамиятнинг аччиқ заҳархандасини уйғотади холос.

Рассом Адолат
Eltuz.com