Бош коррупционер ҳукумат тепасига келди

Ғарб давлатлари бошлаган 850 миллион доллар коррупция ишининг асосий фигурантларидан бири саналган Абдулла Орипов 14 декабр куни Бош вазир лавозимига тасдиқланди.

Абдулла Ниғматович Орипов номзодини шахсан президент Шавкат Мирзиёевнинг ўзи тавсия этди.

Бу юзадан ўзининг фейсбук саҳифасида изоҳ қолдирган сиёсий таҳлилчи Алишер Илҳомов вазиятни «дўкон мудири келиб омбор эшигини (ўзи фойда кўрмасада) ўғриларга очиб бериши» билан қиёслади:

«Натижада уни жазолашмайди, балки ўша дўконга бошлиқ қилиб тайинлашади», дея ёзади у.

«- янги президентни энди ислоҳотчи дея ҳисоблаш мумкинми?
– Агар у мақсади коррупцияга қарши кураш эканини айтса, энди унга ишониш мумкинми?
– «Корупцияга қарши» қабул қилинган қонун, каримов даврида биз кўп кўрган оддий қоғоз, хўжакўрсинга қилинган навбатдаги чора бўлиб қолмадими?

Сўнгги савол: президент қайси жойи билан ўйлаяпти?» деган саволларни кўндаланг қўяди сиёсий таҳлилчи Алишер Илҳомов, янги ҳукумат рахбарининг тайинлашини ҳақида.

Халқаро тергов маълумотларига кўра, Жаҳоннинг етакчи уч мобил ширкати Гулнора Каримовага пора берган, сўнг шу пулга очилган ширкат акцияларини ўзлари ҳарид қилишган…

Ғарб давлатлари бошлаган тергов Гулнора Каримов доҳил 850 миллион долларни музлатди. Бироқ, Ўзбекистонда айни иш бўйича бирор мулозим жазолангани йўқ.

Музлатилган пуллар юзасидан Халқаро жамғарма ташкил қилиш таклифи билан чиққан ўзбек фаоллари, пулларни халққа қайтарилиши учун ҳукумат инсон ҳуқуқларини кафолатлаши, қатағонларни бекор қилиши ва жамғармани назорат қилмаслиги шартлигини билдирмоқда.

Шароит етилгунга қадар пуллар ғарб мамлакатлари етакчилигидаги жамғарма бошқаруви назоратида музлатилган тарзда қолиши лозим.

Петицияга бу ерда имзо чекиш мумкин.

Рассом Азизбек
Eltuz.com