Севги ҳақида 18 ёшдан кейин ўқиймизми?

Ҳукумат «Болалар соғлиғига зарар етказувчи ахборотдан уларни ҳимоя қилиш тўғрисида»ги қонун лойиҳасини муҳокамага қўйди.

Бу қонун кучга кирса, ҳукумат экспертлари болалар ўқийдиган нашрларни ёшига қараб ёмон-яхшига ажратиши керак.

Масалан, Қодирийнинг «Ўтган кунлар» ёки Мопассаннинг «Азизим» романини ўқиш 18 ёшгача руҳсат этилмаслиги мумкин.

Чунки у ерда катта ёшдаги қаҳрамонларнинг севги можаролари тасвирланган.

Бу тушунарли, аммо лойиҳада тилга олинган «оилавий қадриятларни инкор этадиган» тоифага қайси асарларни киритамиз?

«Ота-оналар ва оиланинг бошқа аъзоларига нисбатан ҳурматсиз муносабат» акс этган тоифагачи?

Ҳуллас, 29 апрелгача муҳокама қилиниб Сенатга тақдим этиладиган бу мантиқсиз қонун лойиҳаси атрофида жавоблардан кўра, саволлар кўп.

Масалан, болаларни «номаъқул» асарлардан ҳимоя қилиш тизимини яратиш ҳақида айтилади. Лекин, унинг қандай амалга оширилишини тасаввур қилиш қийин.

Китоб дўкони ё кутубхона олдида паспорт назорати ўрнатиладими? Уйдачи?

Китобдан кўра, планшет, смартфон ўқиш афзаллиги эътиборга олинса, кўзланган назорат тизими қандай ишлайди?

Рассом Элсевар болани «номаъқул интернет нашри»идан тўсмоқчи бўлаётган ўзбек миршабини ҳажв қилади.

Қонун кучга кираркан, «Болаларимизнинг кўзларини тўсаётган ким?» деган саволни ҳали кўпчилигимиз такрорласак керак?

Рассом Элсевар
Eltuz.com