Алишер Усмонов: «Тупурдим сенга, Навалний!»

Алишер Усмонов 18 май куни Навалнийга видеомурожаатини ўзининг ютуб каналига қўйди.

«Сен филга қараб акиллаётган кўппакка ўхшайсан. Туф сенга, Алексей Навалний!», деди россиялик миллиардер.

Бундан илгари россиялик сиёсатчи Алексей Навалний видео чиқишларида Усмоновни Медведевга пора берганликда ва ёлғончиликда айблаганди.

Усмонов эса видеожавобида Навалнийни «ҳасадгўй», «ярамас», «омадсиз» ва «жиноятчи» дея атайди.

«Сен нима, «понятие» деган нарсаларни умуман билмайсанми…» дея юзланади бир вақтлар олти йил турмада ўтирганини иддао қилган Усмонов, рус баригаларига ҳос оҳангда.

Танқидий чиқишлари ортидан ўтган ойда Навалнийнинг юзига зеленка чаплаб кетишган эди, энди эса Алишер Усмонов уни судга тортди.

«Сен яхшиси мендан кечирим сўра!» деди видеомурожаатида Алишер Усмонов судда юристлари иш бошлаганини эслатиб.

Рассом Туз ўз карикатурасида Усмоновни зеленкага ботирилган чивинни ўлдиришга чоғланган одам қиёфасида тасвирлайди.

Рассом Туз
Eltuz.com