saturday,
31 january 2026
24 july 2017
Консерваторияда ғавғо кўтарган «дизайнер актриса» изза қилинди
Шоу-Бизнесда чиқарган номини пеш қилиб Ўзбекистон Давлат Консертваториясига ўқишга кирмоқчи бўлиб айни даргоҳ профессори, таниқли бастакор Дилором Омонуллаева олдига кирган ва иши битмагач, уни ҳақорат қилган “актриса” Шаҳзода Муҳаммедова можароси икки ҳафта давомида долзарб бўлди.
Бу можаро асносида “Олдин шоу-бизнесда ном чиқариб, унвон сотиб олиб кейин шу унвонни танк қилиб олийгоҳга кириш” практикаси юзага чиқди. Маълум бўлишича, шу йўл билан камида икки “юлдуз”, махсус билимга эга бўлмасдан консерваторияга имтихонсиз кирган.
«Ўзбекконцерт» ташкилотидагиларнинг гапларига кўра, бугун Ўзбекистонда расмий лицензияга эга бўлган 3 минг нафардан ортиқ қўшиқчи бор.
“Дараҳтни тепсанг, қўшиқчи ёғилади” деган гап урф бўлганиям рост. Қўшиқчилар армияси сафига қўшилишни истаганларнинг сон саноғи йўқ. Улар саҳнага чиқиш учун ҳар қандай ишга хозирлар.
“Истеъдод пулга сотилмайди, тўғри. Лекин, “окахонларим” бор экан, мен албатта халқ артисти бўламан!” дейди уларнинг аксарияти.
Рассом Элсевар чизган расмни кўриб, «Маҳаллада дув-дув гап» филмидаги Ойпошша холанинг битта зўр гапи ҳаëлимдан ўтди. «Агар консерваторияда консерва қилинадиган бўлса, қизингиз Сайёрахон консерваторияга кириш учун консерва заводида тайёргарлик кўраяпти!» дейди у.
Улуғбек Ашур
Eltuz.com