Рус миллатчилари Каримовга ҳайкал ўрнатилишига норозилик билдиришмоқда

Россиянинг «Родина» партияси, «Ватан йўлбарслари» ёшлар қаноти ва «Россия миллий-ватанпарварлари» жамоатчилик ташкилоти фаоллари Москва шаҳри маъмуриятининг Ўзбекистоннинг марҳум президенти Ислом Каримовга ҳайкал ўрнатиш қарорига қарши митинглар ўтказгани ҳақида «Озодлик» радиоси хабар берди.

8 ноябрга келиб И.Каримовга ҳайкал ўрнатмаслик талаби билан Change.org сайтида эълон қилинган ва Россия президенти Владимир Путин номига ёзилган петицияга 6 ярим мингдан зиёд имзо тўпланди.

«Ислом Каримов Ўрта Осиё русофобияси, қонунсизлик ва ҳокимиятни узурпация қилиш рамзи» бўлгани айтилади, жумладан, петицияда.

2016 йили Ўзбекистоннинг Россиядаги элчихонаси И.Каримовга ҳайкал ўрнатиш таклифи билан Москва ҳукуматига мурожаат қилган эди.

Москва шаҳри ҳокими Сергей Собянин 2017 йилнинг 27 октябрида Россия пойтахтининг Якиманка туманида Ислом Каримовга ҳайкал ўрнатиш ҳақида қарор чиқарди.

Рассом Туз
Eltuz.com