Мирзиёев армияни тубдан ислоҳ қилиш ҳақида гапирди

22 декабрь куни президент Мирзиёев Ўзбекистон Олий Мажлисига мурожаатида мамлакат ҳарбий доктринаси бутунлай бошқатдан кўриб чиқилаётгани ҳақида гапирди.

«Ҳокимлар иштирокида бригада командирларидан тортиб, қуйи офицерлар таркибига қадар ўзгартирдик ва уларнинг нима қилиши кераклиги ҳақида аниқ жавоблар топяпмиз», деди президент.

Унинг сўзларига кўра, ўзгаришлар янги йилдан кучга кириши керак. Бироқ президент ўз сўзида армияни ўзгартиришга қанча маблағ сарфланиши ҳақида тўхталмади.

Ҳар йили Ўзбекистонда армия хизматига чақириқ пайти ҳарбийга бориш ёки қолиш масаласи порасиз битмаслиги ҳақида айтилади.

Global Firepower халқаро ҳарбий тадқиқотлар маркази ҳисоботига кўра, Ўзбекистон армияси ўз қудрати бўйича 133 мамлакат ичида 48-ўриндадир.

Рассом Элсевар
Eltuz.com