Ўзбекистон ўғрилар пулини ювадиган кир машинага айландими?

Ўзбекистонда ва чет элларда шу пайтгача яширин бизнес билан шуғулланиб келган ўзбекистонликларнинг ўғирлик пуллари президент Мирзиёев томонидан амнистия қилиниши кутилмоқда.

Бу ҳақда 11 январь куни Иқтисодиёт вазири ўринбосари Мубин Мирзаев кун.уз мухбирига билдирган.

Президент Мирзиёев 8 декабрь куни парламентдаги Конституция кунига бағишланган чиқишида: «Агар кимдир мамлакатга бир вагон валюта олиб келса-ю, уни текширишса, ҳаммасини шу заҳоти ишдан оламан!» деган эди.

Мирзаевнинг Пресс-клубда айтган сўзларига кўра, яширин иқтисодиётни легаллаштириб, корхона ва ташкилотларнинг бемалол ишлашига имкон берадиган таклифлар Иқтисодиёт, Молия вазирликлари ва Марказий банк билан ҳамкорликда тайёрланмоқда.

Рассом Туз
Eltuz.com