Юнусобод ҳокими Бахтиёр Абдусаматов пора билан қўлга тушди

Тошкент шаҳрининг Юнусобод тумани ҳокими, 42 яшар Бахтиёр Абдусаматов ўз иш кабинетида 7 сентябрь куни 400 минг АҚШ доллари миқдорида пора олаётганида ДХХ ходимлари томонидан ушланди.

Расмий хабарларда Бахтиёр Абдусаматовнинг сармоядорга ер участкаси ажратиб бериш эвазига пора олаётганида хибсга олингани айтилади.

Бундан илгари, шу йилнинг 12 июлида Бахтиёр Абдусаматов машҳур рассомлар Петр ва Николай Жарскийлар томонидан 1966 йили Юнусободдаги кўп қаватли турар жой биноси деворига ишланган мозаикани ўчиришга буйруқ берган эди.

Ҳокимликка тайинланишидан олдин 2017 йилнинг 18 апрелигача Табиатни асраш давлат қўмитаси раҳбари бўлган Бахтиёр Абдусаматов Тошкент хиёбонларидаги беҳисоб дарахтларни кесишга рухсат берган собиқ амалдор ҳамдир.

Рассом Туз
Eltuz.com