Нарху наво ошганда…

Ўзбекистонда нон нархининг икки баробар ўсиши ортидан октябрь ойида электр, газ, сув ва бензин нархлари ҳам ошадиган бўлди.

Ҳукумат «энергоресурслар истеъмолига ижтимоий меъёрларни жорий этиш»ни муҳокама қилаётгани ҳақида газета.уз нашри хабар берди.

Энергетика ва ёнилғи нархларининг оширилиши ҳақидаги хабарлар эркин нархлардаги бошқа маҳсулотлар нархига ҳам таъсир этиб, бозорда кунора озиқ-овқат маҳсулотлари нархи ошмоқда.

Давлат статистика ҳисоботига кўра, умумий нарх-наво билан бир вақтда сентябр ойида август ойига нисбатан энг кўп ўсиш озиқ-овқат маҳсулотлари нархига тўғри келган эди.

Давлат статистика идораси 1 октябрда эълон қилган ҳисоботига кўра, сентябрь ойида товарлар ва хизматлар нархи олдинги ойга нисбатан ўртача 1,8 фоиз кўтарилган.

Табиий газ, иссиқлик, электр нархлари охирги марта 2017 йилнинг июлидан ўртача етти фоиз, сув ва коммунал нархлари тарифи эса жорий 2018 йилнинг февралида оширилган эди.

Рассом Туз
eltuz.com