Президент Мирзиёев учун суғур куни

Президент Мирзиёевнинг 21 январ куни Берлинга расмий ташрифи чоғида «Озодлик» журналисти Шуҳрат Бобожоннинг «Озодлик радиосидан сизга саломлар», деган репликаси интернетда овоза бўлди.

Ўзбекистон президенти олқишлов гуруҳи олдидан ўтаркан, унинг журналистга жавобан: «Мингдан минг раҳмат. Келинглар, соғ бўлинглар», дегани эшитилади.

Ўтган йили президентнинг Францияга ташрифида Би-Би-Си журналисти Ибрат Сафо айни шундай имкониятдан фойдаланиб президентдан «Би-Би-Сига рухсат бўладими?» дея сўраган. Президент унга «Албатта, бўлади», дея жавоб ҳам берган эди.

2018 йилнинг майида АҚШга сафари чоғи «Америка овози» мухбири Навбаҳор Имомова президент Мирзиёев билан учрашув пайтида «Дунё ўзбекларига бир нима денг», дея хитоб қилган эди.

Рассом Туз мамлакат президентидан суҳбат олишга интилаётгган хорижий журналистларнинг машҳур «Суғур куни» фильмидаги каби йиллар ўтиб ҳам ўзгаришсиз қолаётган ҳаракатларини тасвирлайди.

Рассом Туз
Eltuz.com