Умрбод четлатилган Бабаян яна футболга қайтди

Ўзбекистон футбол ассоциацияси (ЎФА) 27 февраль куни терма жамоанинг собиқ мурабийи, бир йил бурун «умрбод футболдан четлатилган» Самвел Бабаянни авф этгани ҳақида билдирди.

“Бунёдкор” футбол клубининг шахсий кафиллик хатини бир овоздан ёқлаган ЎФА ижроқўми 1 февраль куни Бабаянни футболдан четлатиш қарорини бекор қилган.

26 февраль куни Бабаян Тошкентдаги “Локомотив” футбол клуби президенти маслаҳатчиси этиб тайинланган.

Бабаян ЖЧ-2018 йўлланмасини қўлга кирита олмагани учун ўн мингдан зиёд футбол ишқибозларининг Ўзбекистон президентига йўллаган норозилик хатларини ўрганиш ортидан 2018 йилнинг 15 январида ЎФА қарори билан умрбод футболдан четлатилган эди.

ЎФА (ЎФФ)га кўра, Бабаяннинг бундан мақсади йил сўнггида эркин ўйинчиларга айланадиган футболчиларни «хорижий клубларга сотиш» бўлган.

Шу боис, 2018 йилги жаҳон чемпионатига саралаш ўйинларида ўзбек миллий жамоаси даражаси кескин тушиб кетганини билдирган эди

Рассом Элсевар
Eltuz.com