«Барон» фильми қора бозорга чиқиб кетди

Давлатнинг бир ярим миллиард сўм пулига олинган «Барон» фильми қора бозорга чиқиб кетди. Олдинги «Сотқин» фильми билан ҳам ҳудди шундай бўлган эди. Рассом Туз айни ҳолатни ҳажв қилади.

Унга кўра, ўзбек киносининг бугунги тарихида фақат битта фильм қароқчиларга рўпара келмаган, у ҳам бўлса Каримовнинг арзандаси Гулнора Каримова «ғоя»си ва рахбарлиги билан яратилган «Хўжа Насриддин – Уйин давом этади» фильми. Уни ўғирлашга ҳеч бир «қароқчи» журъат топа олмаган. Фильмни яратишда иштирок этганларга ҳам бир тийин берилмаган.

Ўз ҳаққини талаб қилган бош рол ижрочиси ва фильм спецэффектларини яратган Искандар Мульти, фильм тақдимотига бир хафта колганида ўз уйида ўлдириб кетилган, унинг уйидан, унинг компютерида сақланаётган фильмнинг тайёр ва ягона нусхаси олиб чикиб кетилганди…

«Барон» фильмини эса ўзбек қароқчилари чиқиши билан «иссиғи»да ўғирлашган.

Рассом Туз
Eltuz.com