Журналистларга қарши жиноятлар учун жазосизликни тугатиш халқаро куни

Мазкур сана журналистларга қарши жиноятлар учун жазосизликни тўхтатиш муҳимлигига жамоатчилик эътиборини қаратиш имкониятини беради.

Бирлашган Миллатлар Ташкилоти жазосизликнинг оғир оқибатлари, хусусан, журналистларга қарши жиноятларни эътироф этиш учун 2 ноябрни Журналистларга қарши жиноятлар учун жазосизликни тугатиш халқаро куни этиб белгилаган. 

БМТ Бош ассамблеяси ўз резолюциясида ташкилотга аъзо давлатларни бугунги “жазосиз қолиш маданияти”га қарши аниқ чоралар кўришга чақиради. 

Ушбу сана 2013 йил 2 ноябрда Малида икки француз журналистининг ўлдирилишини хотирлаш учун танланган.

2007 йилнинг 24 октябрида эса Ўш шаҳрида мустақил «Сиёсат» газетаси асосчиси ўзбек журналисти Алишер Соипов отиб кетилган эди. Қотиллик сиёсий мотивга эгалиги ва унинг буюртмачилари Ўзбекистондан экани айтилади. Бироқ бу юзадан суриштирув ҳамон ниҳоясига етмаган.

Eltuz.com