Жиззахлик хамширалар кўча тозалашга жалб қилинмоқда

Малоҳат Эшонқулова
Eltuz.com

Улар “Дўстлик” туман соғлиқни сақлаш тизими тиббиёт ходимлари эди.

Дам олиш куни бўлишига қарамай улар, эрта тонгданоқ М-39 магистрал йўлининг Сирдарё чегарасидан то Пахтакор туман ҳудудигача бўлган юзлаб километр масофадаги йўл ёқасини тозалаш, супуриб-сидириш ишларига жалб этилганишганди.

Интервью – Дўстлик туман бирлашган шифохонаси нервопотологи Рисолот опа билан суҳбат

Ободонлаштириш ишларида кўмаклашишга “Ўз ҳоҳишимиз билан чиқдик” ниқоби остидаги ушбу “ҳашар” Ўзбекистонда узоқ йиллардан бери давом этмоқда.

Тиббиёт – ўта нозик ва мураккаб соҳа, инсон саломатлиги, ҳаёти учун муҳим касб.

Бироқ, ноябр ойининг биринчи ўн кунлигида пахта йиғим-теримидан қайтган шифокорлар ҳаял ўтмай “ободонлаштириш бошқармаси ходимларига айлантирилди”

Инсон ҳаёти билан курашаётган тиббиёт ходимининг руҳияти тиниқ ва жисмонан бардам бўлиши, чарчоқ унга бегона бўлиши лозим.

Бизни ўйлантирган яна бир нарса, модомики, тиббиёт ходимлари деҳқонларнинг ўрнига пахта терар, ободонлаштириш бошқармаси ходимлари ўрнига йўл ёқаларини тозаларкан, у ҳолда юқоридаги соха ходимларининг давлатдан оладиган маоши қанча?

Бу қўшимча ишлар учун тиббиёт ходимларининг оладиган иш ҳақичи?

Ўзбекистон ҳукумати тиббиёт ходимларига беморнинг саломатлигига масъул бўлганлиги, касалларни даволагани учун ойлик маош тайинлайдими, ёки пахта юмушларидаги иштироки, йўл четларини тозалаганига ҳақ тўлайдими?

Шифокорларнинг маҳаллий ҳокимият томонидан ободонлаштириш бошқармаси ходимларига айлантирилишига оид сиз кўраётган ушбу тасвирлар, Ўзбекистонда ҳеч бир касб эгаси ўз ишига масъул эмаслигидан, турли касб эгалари ўз ишларини уддалай олмаётганлигидан далолат эмасми?

Зеро, бундай “беcпредел”га ҳукуматнинг ўзи изн бериб қўйибди.