Улуғбек Ашур президент Мирзиёевни ҳажв қилиб қўшиқ куйлади

Канадалик 54 ёшли ўзбек журналисти Улуғбек Ашур президент Шавкат Мирзиёевни ҳажв қилиб қўшиқ куйлади.

«Шавкат ака!» деб номланган қўшиқ клипига икки йил давомида «Элтуз» нашрида чоп этилган карикатуралар асос бўлди.

Улуғбек Ашур шу йилнинг 27 сентябридан буён турмада ноҳақ қолаётган ҳамкасби Бобомурод Абдулланинг сўнгги икки қўшиғи унинг ҳам қўшиқ куйлашига туртки бўлганини айтади. «Бу қўшиқни Бобомурод билан бирга дуэт тарзида куйлашни ният қилган эдик», дейди у.

Журналист мусиқий сатира бугунги ўзбек зеҳниятига таъсир ўтказишда энг кучли восита бўлиши мумкинлигини айтади.

Улуғбек Ашур ўзининг журналистик фаолияти боис муайян вақт қамоқда бўлган. Халқаро матбуот ва инсон ҳуқуқлари ташкилотлари ҳаракати натижасида 2006 йилнинг 8 ноябрида озод қилингач, Канададан сиёсий бошпана олган.

Видео: https://youtu.be/iEdBCEcRgow

Elruz.com