Путин ўзбекни космосга учирмоқчи

Президент Мирзиёев 19 октябрь куни, Путин ташрифи хулосаларига бағишланган йиғилишда ўзбек астронавти Россия ракетасида космосга учишидан умидвор эканини билдирди.

«Умид қиламанки, Ўзбекистон вакили яқин вақт ичида Россия ракетасида космосга парвоз қилади», деди Путиннинг ваъдаларидан ҳаволанган Мирзиёев.

Ўзбекистон президентининг «ракетада учиш орзуси» ҳақида аксарият рус нашрлари ёзди.

Бироқ Россиянинг ўзида ўзбекларга муносабат икки президентнинг ҳавоий гапларидан анча йироқ эканини кузатиш мумкин.

Масалан, ўзбекларнинг рус ракетасида космосга учирилиши орзу қилинган жума куни Россиянинг Тула вилоятида ўзбек муҳожирлари ҳарбий асирлар каби кўчалардан намойишкорона олиб ўтилди.

Eltuz.com