Бадиий академия Давлатни 1 миллиард 416 миллион сўмга «ухлатмоқчи» бўлди

Ўзбекистон Бадиий академияси мулозимлари 1 миллиард 416 миллион сўмга давлатни ухлатмоқчи бўлгани фош бўлди. Иш Бош прокуратура назоратида.

Ўзбекистон Бадиий академияси буюртмачилигида 2023 йил 8 май куни  “Алишер Навоийнинг бронза ҳайкалини яратиш ва Қозоғистон Республикасининг Остона шаҳрида ўрнатиш хизмати” юзасидан 1 млрд 416,0 млн сўмлик давлат хариди Коррупцияга қарши курашиш агентлиги тарафидан тўхтатилди.

Коррупцияга қарши курашиш агентлигининг ўрганишларига кўра, ушбу давлат харидини амалга ошириш жараёнида буюртмачи томонидан Ўзбекистон Республикаси “Давлат харидлари тўғрисида”ги Қонуннинг 10-моддаси (рақобат ва холислик принсипи), 14-моддаси (манфаатлар тўқнашуви), 46-моддаси (давлат харидлари жараёнидаги чеклов) талабларига амал қилинмаган ва бошқа қонунбузилиши ҳолатларига ҳам йўл қўйилган.

Хусусан, харидда иштирок этган 3 нафар талабгорнинг ҳужжатлари харид комиссиясининг раиси ва тўрт нафар аъзолари фойдаланган (IP-манзиллари бир хил) компютер орқали электрон платформага юкланган.

Мазкур ҳолатлар бўйича давлат хариди ўтказилган куннинг ўзида харид комиссиясининг баённомасини бекор қилиш тўғрисида буюртмачига тақдимнома киритилди ва қонуний чора кўриш учун тўпланган ҳужжатлар Бош прокуратура ҳузуридаги Иқтисодий жиноятларга қарши курашиш департаментга юборилди.

Агентлик тақдимномасига биноан Академия томонидан 11 май куни харид комиссиясининг баённомаси бекор қилинди.

Аслида ҳайкал бир баҳона эди. Мақсад – пул ўмариш дея изоҳлади воқеани рассом Туз.

Элтуз ўз кўрсатувларини давом эттиради. Каналаримизга обуна бўлишни в лайк босишни унутманг! Лайк сиздан хизмат биздан.