Элликқалъалик педофил ҳибсга олинди

Элликқалъалик 44 яшар эркакнинг ёш бир қизалоқни тўртинчи синфдан бошлаб 13 ёшига қадар зўрлаб келгани ҳақида элтуз ва полис уз телеграм каналлари видео чоп этгани ортидан педофил ҳибсга олинди.

Бу ҳақда бугун Қорақалпоғистон Ички ишлар идоралари расман билдирди.

Элликкалъа тумани “Амиробод” Овул Фуқаролар Йиғинида яшовчи фуқаро М.З. 30.08.2023 йилда туман ИИБга мурожаат қилиб, 2010 йилда туғилган вояга етмаган невараси Т.С.ни Элликкалъа тумани “Амиробод” ОФЙда яшовчи қўшниси З.Ш. қўрқитиш ва зўрлик ишлатиш орқали номусига текканлиги сабабли, З.Ш.га нисбатан қонуний чора кўришни сўраган.

Мазкур ҳолат Республика прокурори томонидан жойида ўрганилиб,  суд тиббиёт экспертизасининг 2023 йил 5 сентябрда чиқарилган ҳулосаси, терговга қадар текширувда тўпланган иш хужжатлари инобатга олиниб, гумон қилинувчи З.Ш.га нисбатан Ўзбекистон Республикаси Жиноят Кодексининг 118-моддаси 4-қисми, 119-моддаси 4-қисми билан жиноят иши қўзғатилиб, ЖПКнинг 221-моддаси тартибида ушланди.

Расмий муносабатда билдирилишича терговнинг ҳар томонлама тўла ва холисона ўтказилиши Қорақалпоғистон Республикаси прокурори томонидан назоратга олинди. 

Хабардан маълум бўладики, Ички ишлар идоралари Элтуз ва Police_Uz да хабар чиқмагунча жиноят иши очишни исташмаган. Жабрдийдалар туман Ички ишлар бўлимига август ойида мурожаат қилишган, суд тиббий экпертиза ва ҳибсга олиш 5 сентябр куни яъни бугун амалга оширилган.

Элтуз олдин хабар қилганидек, 13 яшар қизни икки йил давомида зўрлагани иддао қилинаётган эркакнинг уч қизи бир ўғли бор.

Элтуз воқеалар жараёнини кузатишда давом этади. Каналимизга обуна бўлишни унутманг.