22 september 2023

Тезкор! Чустда доридан заҳарланган болалар сони ортмоқда

Чустда заҳарланган болалар сони бир неча юз нафарни ташкил этмоқда. Туман касалхонасидаги барча бўлимлар бўшатилиб жой хозирланмоқда.

Ҳаттоки, яқин атрофдаги хусусий шифохоналарда ҳам жой тайёрланмоқда, деди Элтуз манбаси

Заҳарланган болаларнинг аҳволи оғир эмас. Тўрт нафари ўрта оғирликда заҳарланган.

Айни пайтда мактаблардан ҳам заҳарланиш аломати билан болалар кела бошлаган.

Чустга вилоят ҳокими ҳам етиб борган. Эртага ёки бугун кечқурун бош вазир келиши кутиляпти.

Кечадан бошлаб Наманганда болаларнинг доридан заҳарланаётгани ҳақида бир биридан қўрқинчли хабарлар Элтузга кела бошлаган эди. Ҳусусан Чуст туманида заҳарланган болалар сони 90 нафардан ошгани ортидан туманда фавқулодда ҳолат юзага келгани билдирилди. Бундай ҳолат бугунга келиб Андижонда ҳам кузатилган.

Наманган вилояти Чуст туманидаги болалар боғчаладидан анструмин дорисидан ўткир заҳарланиш билан болалар касалхонага келтирила бошлади, дея хабар бермоқда Элтуз обуначиси. Тез тиббий ёрдам бўлимида заҳарланган болалар кўплигидан шифокорлар етишмаётган экан.

Ҳозиргача 50 дан зиёд болакай келтирилган. Уларнинг аксари 23 болалар боғчасидан келтирилгани айтилмоқда.

Болалар боғчаларида болаларга ёд ва анструмин дориси берилган. Шифокорларга кўра, заҳарланиш шундан бўлган. Заҳарланган болаларнинг барчасида қайд қилиш ва баланд иситма кузатилмоқда.

Наманганда заҳарланган бир болакайнинг онаси сўзларига кўра, заҳарланган болаларнинг кўплигидан баъзиларни шифохона қабул қилмай уйларига юбораётгани айтилди.

Бироқ бугунга келиб вазият яхшилана бошлагани ҳақида хабарлар кела бошлади.

Бугунга келиб бундай ҳолат Андижонда ҳам кузатилгани, камида икки бола заҳарлангани айтилмоқда. Маҳаллий маъсуллар берган маълумотга кўра, Андижон вилоят шошилинч тез тиббий ёрдам бўлимига иккита заҳарланган бола ётқизилган. Ҳозирда уларнинг ҳолати бўйича маълумот мавжуд эмас. Воқеалар ривожини Элтуз телеграм каналида кузатинг.