Tezkor! Chustda doridan zaharlangan bolalar soni ortmoqda

Chustda zaharlangan bolalar soni bir necha yuz nafarni tashkil etmoqda. Tuman kasalxonasidagi barcha bo‘limlar bo‘shatilib joy xozirlanmoqda.

Hattoki, yaqin atrofdagi xususiy shifoxonalarda ham joy tayyorlanmoqda, dedi Eltuz manbasi

Zaharlangan bolalarning ahvoli og‘ir emas. To‘rt nafari o‘rta og‘irlikda zaharlangan.

Ayni paytda maktablardan ham zaharlanish alomati bilan bolalar kela boshlagan.

Chustga viloyat hokimi ham yetib borgan. Ertaga yoki bugun kechqurun bosh vazir kelishi kutilyapti.

Kechadan boshlab Namanganda bolalarning doridan zaharlanayotgani haqida bir biridan qo‘rqinchli xabarlar Eltuzga kela boshlagan edi. Hususan Chust tumanida zaharlangan bolalar soni 90 nafardan oshgani ortidan tumanda favqulodda holat yuzaga kelgani bildirildi. Bunday holat bugunga kelib Andijonda ham kuzatilgan.

Namangan viloyati Chust tumanidagi bolalar bog‘chaladidan anstrumin dorisidan o‘tkir zaharlanish bilan bolalar kasalxonaga keltirila boshladi, deya xabar bermoqda Eltuz obunachisi. Tez tibbiy yordam bo‘limida zaharlangan bolalar ko‘pligidan shifokorlar yetishmayotgan ekan.

Hozirgacha 50 dan ziyod bolakay keltirilgan. Ularning aksari 23 bolalar bog‘chasidan keltirilgani aytilmoqda.

Bolalar bog‘chalarida bolalarga yod va anstrumin dorisi berilgan. Shifokorlarga ko‘ra, zaharlanish shundan bo‘lgan. Zaharlangan bolalarning barchasida qayd qilish va baland isitma kuzatilmoqda.

Namanganda zaharlangan bir bolakayning onasi so‘zlariga ko‘ra, zaharlangan bolalarning ko‘pligidan ba'zilarni shifoxona qabul qilmay uylariga yuborayotgani aytildi.

Biroq bugunga kelib vaziyat yaxshilana boshlagani haqida xabarlar kela boshladi.

Bugunga kelib bunday holat Andijonda ham kuzatilgani, kamida ikki bola zaharlangani aytilmoqda. Mahalliy ma'sullar bergan ma'lumotga ko‘ra, Andijon viloyat shoshilinch tez tibbiy yordam bo‘limiga ikkita zaharlangan bola yotqizilgan. Hozirda ularning holati bo‘yicha ma'lumot mavjud emas. Voqealar rivojini Eltuz telegram kanalida kuzating.