Белла Мафия – Гулнора Каримова халқаро жиноий гуруҳ онабошиси бўлган

Швейцария прокуратураси Ўзбекистон собиқ президентининг қизи Гулнора Каримовани юзлаб миллион доллар пора ювиш билан шуғулланган халқаро жиноий гуруҳни бошқаришда айблади.

Расмийлар 2005-2013-йилларни ўз ичига олган тергов давомида 780 миллион Швейцария франки (857 миллион доллар) қийматидаги активларни мусодара қилган.

Каримова 2014-йилдан бери Ўзбекистонда қамоқда ўтирибди. У Ўзбекистонда давлат маблағларини ўзлаштиришда айбдор деб топилган.

Лекин Гулнора Каримова телекоммуникация шартномалари билан боғлиқ порахўрлик айбловларини рад этиб келади.

Гулнора Каримова отаси президентлиги пайтида мислсиз қудрат ва нуфузга эга эди.

Швейцария айблови Россия телеком ширкатининг Ўзбекистондаги филиалини бошқарган исми ошкор этилмаган тадбиркорга ҳам қаратилган.

Швейцарияда Гулнора Каримова Ўзбекистон телекоммуникация соҳасига кириш эвазига пора олганликда ҳамда Швейцариядаги банк ҳисоблари ва бошқа мамлакатларда пул ювишда айбланмоқда.

Элтуз Гулнора Каримова номи атрофидаги коррупция ва пул ювиш жиноятларини ўрганишда давом этади. Каналимизга обуна бўлишни видеоларимизга лайк босишни унутманг.