Қашқадарёлик эркак 12 та эчкемарни сўйиб еди

Қашқадарёлик 61 ёшдаги эркак жами 32 бош эчкиэмарни тутиб олиб, улардан 12 тасини сўйиб еган. Қолган 20 тасини кейинчалик ейиш учун уйида боқиб келган. Бу ҳақда, бугун нуқта уз нашри ёзмоқда.

Маълум қилинишича, 3 марта инфаркт билан оғриган кекса фуқаро танишларидан эчкиэмар гўшти ва териси касалликка даво эканини эшитиб, ёввойи эчкиэмарларни овлашга тушган.

Суд эркакка 3 йил озодликни чеклаш жазоси белгилаб, Экология вазирлиги фойдасига 141 млн 900 минг сўм ундиришга ҳукм чиқарган.

Эслатиб ўтамиз, эчкиэмарлар «Қизил китоб»га киритилган. Дунёда тобора йўқолиб бораётган бу ноёб жонивор, Ўрта осиё эчкемарини Ўзбекистонда, Сирдарёнинг шарқий ҳудуди бўйлаб Фарғона водийсида, шунингдек Тожикистоннинг жанубий ғарбий ҳудудидагина учратиш мумкин.

Элтуз Ўзбекистон ҳайвонот дунёси ва унга инсонлар томонидан етказилаётган зиён кўламига оид воқеаларни ўрганишда давом этади. Кўрсатувларимизни кузатиб боринг. Каналимизга обуна бўлинг.