Наманган шаҳар ҳокими ва девонхона мудири қамалди

Наманган шаҳар ҳокими Анвар Отахўжаевни пора билан қўлга олинганига оид ҳоким адвокати иддаоси асосидаги Элтуз материали эълон қилинганидан кўп ўтмай Давлат Хавфсизлик хизмати бу юзадан баёнот эълон қилди.

Давлат Хавфсизлик хизмати билдиришига кўра Наманган шаҳар ҳокими Анвар Отахўжаев катта миқдорда пора олишда айбланмоқда. Ҳоким шунингдек депутатлик дахлсизлик ҳуқуқидан маҳрум қилинган, унга ва девонхона мудирига нисбатан Жиноят кодексининг 210-моддаси 3-қисми “а” банди билан, жиноят иши қўзғатилган ва эҳтиёт чораси сифатида қамоқ жазоси қўлланилган.

Бундан аввал ҳокимнинг адвокати Элтузга мурожаат қилиб ариза қолдирган.

Унда, 28 август куни Прокуратура ва ДХХ ходимлари ёлланма шахслар иштирокида Наманган шаҳар ҳокими Анвар Отаходжаевни пора олиш жиноятида айбдор қилиш мақсадида тадбир ташкиллаштиришгани иддао қилинган эди. 

Эндиликда ДХХ томонидан очиқланган маълумотларга кўра Наманган ҳокимининг пора билан қамоққа олингани исботлар билан тасдиқланмоқда.

Элтуз воқеалар ривожини кузатишда давом этади. Каналимизга обуна бўлинг. Видео юзасидан изоҳлар қолдиринг.