Москва 2026-йилда мигрантлар учун патент нархларини оширади

Москва 2026-йилда мигрант ишчилар учун патент тўловларини оширади. Бу борада Москва шаҳар думаси ҳужжат қабул қилди.  

Маълумотларга кўра, расмийлар тўловни 8900 рублдан 10 000 рублгача оширишни режалаштирган. Депутатлар 2025-йилда пойтахт меҳнат бозорининг минтақавий хусусиятларини акс эттирувчи коеффициент 2,8592 ни, патент нархи эса 8900 рублни ташкил этганини таъкидладилар. Ҳукумат нархларнинг ошишини чет элликлар орасида талаб юқори бўлган касблардаги ўртача иш ҳақининг ошиши билан изоҳламоқда. 

Мигрант ишчилар томонидан анъанавий равишда талаб қилинадиган соҳаларда ўртача иш ҳақининг ошишини ҳисобга олган ҳолда, 2026-йилда белгиланган минтақавий коеффициентни 2,9323 миқдорида белгилаш таклиф қилинмоқда, бу эса патент нархини ойига 10 000 рублгача оширади, дейилади ҳужжатда.

Илгари Россия мигрантлар учун ижтимоий пенсияларни бекор қилишни таклиф қилгани ҳақида хабар берилган эди. Ксенофоб ЛДПР партияси муҳожирларга «бепул ижтимоий нафақалар» беришни тўхтатиш вақти келганини ва шу билан федерал бюджетга тушадиган юкни камайтиришни маълум қилганди.