Қримга қарши овоз берган Ўзбекистон Россия қучоғига қайтмоқдами?

Ўзбекистон БМТнинг Қримга нисбатан Россия сиёсатини қораловчи резолюцияси лойиҳасига қарши овоз берди. Ушбу ҳужжатни 75 давлат қўллаб-қувватлади, 25 давлат унга қарши чиқди, 70 давлат бетараф қолди.

«Украина ва Қрим татарларидан шу қилмишимиз учун узр сўрайман. Бошқа 70 давлат каби бетараф қолсак бўлар эди, лекин…», деди бу юзадан фикрини билдирган ўзбекистонлик фаол Сардор Салим.

«Қрим татарларидан уятдаман. Муҳтарам қримли туркийлар, ўзбек халқи сиз билан бирга!» дея ёзди фейсбукда Mexmet Tog’ay Chelebey никли яна бир юзер.

Бошқа бир фаол Дилобар Эркинзоданинг бу юзадан фикри анча кескин.

«Сўзсиз Қрим – бу Украинадир!!! Россия эса босқинчи!!! Ўзбекистон ҳукумати эса мунофиқдир!!!» дея ёзди у БМТ резолюцияси лойиҳаси юзасидан.

«Бир қадам олдинга, беш қадам орқага!» дея баҳолади Ўзбекистон сиёсатини Эркинзода.

БМТнинг Россиянинг Қримни аннексия қилиши билан боғлиқ резолюция лойиҳаси кўпчилик овоз билан қабул қилинди.

Ҳужжатда, жумладан, «Қрим-татар миллий мажлиси»ининг тақиқланиши ва қрим-татар тилида таълим олинишига тўсқинликлар кескин қораланган.

Рассом Туз ўзининг янги асарида Ўзбекистоннинг ташқи сиëсатини орқага қараб мурвати буралган машинага ўхшатди.

Рассом Туз
Eltuz.com