ХОРАЗМДА СУДЬЯЛАР ҚУРБОН ҲАЙИТИНИ “ҚАМОҚ”ДА ЎТКАЗИШГА ҚАРОР ҚИЛИШДИ!

Қонунда ёзилганми? Ҳа. Президент фармони борми? Албатта. Демак, Қурбон байрами куни дам оласизми? Йўқ! Агар сиз Хоразм вилояти судларида ишласангиз, дам олиш – “оддий халқ” учун! Судья учун эса – судланувчилар билан байрам!

Хоразм вилоятида вилоят ва шаҳар-туман суд раислари, жиноят ишларини кўраётган судьялар Қурбон ҳайити муносабати билан берилган расмий дам олишни, керак бўлса, Меҳнат кодекси билан бирга архивга жўнатишган кўринади.

Судьялар “қонун устувор” дейишади-ю, лекин ўзлари “қонун устидан” кулишади.

Қурбон ҳайити кунида суд эшиклари очиқ. Судьялар “чидаб бўлмайди, ҳибсдаги инсонларимиз кутаяпти”, деб, балким муҳаббат, балким “план” туйғуси билан ишга чиқишган. Қонундаги дам олиш ҳақидаги моддалар эса чойнакнинг ёнига қўйиб қўйилган.

Бу ҳолатга маҳаллий аҳоли лолу ҳайрон: “Судья қонунни бузса, бошқаси кимдан ўрнак олсин?” дейди улар.