24 апрелда Ёшлар иттифоқининг ўтмишдоши «Камолот» ташкил топган эди

Бу йил Ўзбекистонда Ёшлар иттифоқи ташкилотининг ўтмишдоши “Камолот” ёшлар ижтимоий ҳаракати ташкил топганига 19 йил тўлади.

Эски комсомол ўрнига келган, ўзини ўзи бошқарадиган ушбу нодавлат нотижорат ташкилотга 2001 йил 24 апрелда асос солинганди.

1990 йили Шавкат Мирзиёев Тошкент ирригация институтида комсомол котиби бўлиб ишлаган. Бу давр комсомол ва, умуман, коммунистик партия таназзулига тўғри келган эди.

“Камолот” СССР компартиясига бўйсунувчи комсомол ташкилоти ўрнида, комсомол ташкилоти эса 1918 йили коммунистик партия шохобчаси сифатида ташкил топган.

Ўзбекистоннинг марҳум президенти Ислом Каримов комсомолни «сотқинлар уяси» дея атаган, ўз иқтидори даврида озми-кўпми коммунистик ўтмишидан узоқлашишга интилган эди.

Мирзиёев «Камолот» қурултойида Ўзбекистон Ёшлар иттифоқи ташкил этилган 30 июнни байрам қилиш таклифини ҳам киритган эди.

Eltuz.com