24 aprelda Yoshlar ittifoqining o‘tmishdoshi «Kamolot» tashkil topgan edi

Bu yil O‘zbekistonda Yoshlar ittifoqi tashkilotining o‘tmishdoshi “Kamolot” yoshlar ijtimoiy harakati tashkil topganiga 19 yil to‘ladi.

Eski komsomol o‘rniga kelgan, o‘zini o‘zi boshqaradigan ushbu nodavlat notijorat tashkilotga 2001 yil 24 aprelda asos solingandi.

1990 yili Shavkat Mirziyoev Toshkent irrigatsiya institutida komsomol kotibi bo‘lib ishlagan. Bu davr komsomol va, umuman, kommunistik partiya tanazzuliga to‘g‘ri kelgan edi.

“Kamolot” SSSR kompartiyasiga bo‘ysunuvchi komsomol tashkiloti o‘rnida, komsomol tashkiloti esa 1918 yili kommunistik partiya shoxobchasi sifatida tashkil topgan.

O‘zbekistonning marhum prezidenti Islom Karimov komsomolni «sotqinlar uyasi» deya atagan, o‘z iqtidori davrida ozmi-ko‘pmi kommunistik o‘tmishidan uzoqlashishga intilgan edi.

Mirziyoev «Kamolot» qurultoyida O‘zbekiston Yoshlar ittifoqi tashkil etilgan 30 iyunni bayram qilish taklifini ham kiritgan edi.

Eltuz.com