Елена Урлаева руҳий шифохонадан озод этилди

24 март куни таниқли ҳуқуқ ҳимоячиси Елена Урлаева Тошкент шаҳар руҳий шифохонасидан озод этилди.

У мажбурий даволанишда 23 кун қолди.

Муолажага ётқизиш ҳақидаги суд қарори унга ёки яқинларига берилмаган.

Елена 1 март куни Шайҳонтовур туман милицияси ходимлари томонидан ҳеч бир асосли сабабсиз ушланди.

Унинг сўзларига кўра, милиция ходимлари унга таҳдид қилишган, ҳақоратлашган «сигарет дудини юзига пуфлашган», кейин эса руҳий шифохона бригадасини чақиришган.

Елена Урлаева инсон ҳуқуқлари билан 15 йилдан буён шуғулланади.

Жасурлиги ва ноҳақликлардан жабрланганларга ёрдам беришга интилиши билан танилган.

Ўз фаолияти учун 2010 йили у швед дипломати Пер Ангер мукофотига сазовор бўлган.

2015 йили эса Жанубий Кореянинг Tji Hak-Soon «Тинчлик ва ҳаққонийлик учун» мукофотини олган эди.

Eltuz.com